دنیا کی دوسری سب سے بڑی نمک کی کان“کھیوڑہ“ کی خاص بات شائد جو آپ نہیں جانتے

 

ضلع پنجاب میں واقع یہ کان اسلام آباد سے 160کلومیٹر کے فاصلے پر واقع ہے۔ یہ جنوبی ایشیا کی قدیم ترین نمک کی کان ہے اور دنیا کادوسرا بڑا خوردنی نمک کا ذخیرہ ہے۔ یہاں سے سالانہ3لاکھ 25ہزار ٹن نمک نکالا جاتاہے۔ کہاجاتاہے کہ یہاں 6.687بلین ٹن نمک موجودہے۔ یہ کان 110مربع کلومیٹر رقبہ پر پھیلی ہوئی ہے، ا س میں 19منزلیں بنائی گئی ہیں، جس میں 11منزلیں زیرِ زمین ہیں ۔کان کے مختلف حصوں میں کچھ عمارات بھی بنائی گئی ہیں، ان میں سب سے مشہور نمک کی اینٹوں سے بنائی گئی مسجد ہے، جس میں بجلی کے قمقمے نصب کئے گئے ہیں۔جنہیں دیکھنے کیلئے سیاحوں کی بڑی تعداد یہاں آتی ہے۔