جامعہ قادریہ احسن المراتب میں آنکھوں کے علاج کے لیے لگائے گئے کیمپ میں پہلے دن ہی سینکڑوں مریض مستفید

محلہ گڑھی احمد آباد گجرات میں آنکھوں کے مفت علاج کا کیمپ 14 نومبر تک جاری رہے گا۔۔۔۔۔۔۔۔ گجرات (نمائندہ خصوصی حافظ محمد زبیر سے) جامعہ قادریہ احسن المراتب محلہ گڑھی احمد آباد گجرات میں تین روزہ آنکھوں کے مفت علاج کے کیمپ کا آغاز ہو گیا ہے یہ کیمپ 14 نومبر تک مزید دو دن جاری رہے گا آنکھوں کے مفت علاج کا یہ کیمپ مفتی محمد عنصر القادری صاحب کے قائم کردہ ادارے جامعہ قادریہ احسن المراتب اور احساس انسانیت ویلفیئر فاؤنڈیشن پاکستان کے تعاون سے لگایا گیا ہے جس میں کراچی اور لاہور کے بہترین ڈاکٹرز اپنی خدمات سر انجام دے رہے ہیں کیمپ میں آنے والے مریضوں کو علاج کے ساتھ ساتھ پر وقار طریقے سے جامعہ قادریہ احسن المراتب کی طرف سے بہترین کھانا بھی پیش کیا جا رہا ہے خدمت خلق کے اس جذبے کو عوام الناس نے بے حد سراہا ہے اور جامعہ کے لیے اپنی نیک خواہشات کا اظہار کیا ہے پاک نیوز ڈیجیٹل سے بات چیت کرتے ہوئے پیر مفتی محمد عنصر القادری صاحب کا کہنا تھا کہ دکھی مسلمانوں کے دکھوں کا مداوا کرنا حضور نبی کریم صلی اللّٰہ علیہ وآلہ وسلّم کی مبارک سنت ہے ہم اسی سنت پر عمل کرتے ہوئے بچوں کو دینی تعلیم دینے کے ساتھ ساتھ طبی حوالے سے بھی مسلمانوں کی خدمت کا سلسلہ جاری رکھے ہوئے ہیں