امامِ حسین کی زندگی باطل کے سامنے ڈٹ جانے اور سیسہ پلائی دیوار بننے کادرس دیتی ہے

  ان خیلات کا اظہار صدرپاکستان سنی تحریک صوبہ پنجاب حافظ شاہد حسین نے جاں نثارانِ مصطفیٰ کانفرنس نشتر پارک کراچی اور مرکزِ اہلسنت مرکزی سیکریٹیریٹ پی ایس ٹی  دورہ کراچی سے واپس پہنچ کر پی ایس ٹی کے صوبائی سیکریٹیریٹ لاہورمیں تنظیمی ذمہ داران سے گفتگو کرتے ہوئے کیا، انھوں نے کہا کہ منافقین کا گمراہ ٹولہ ہردورمیں اسلام کو نقصان پہنچاتا رہاہے  اور آج بھی یزید کے پیروکار فتنہ پروری سے باز نہیں آتے اور وہ امن وسلامتی کے اس گلشن و گہوارہ پر افراتفری و انتشار کے ذریعے اپنے مذموم مقاصدکی تکمیل چاہتے ہیں مگر شیطانی ٹولہ کوہمیشہ ذلت ورسوائی کا ہی منہ دیکھنا پڑاہے،  کارکنان سنی تحریک اسلام کی سربلندی اورپاکستان  سلامتی و استحکام کے لیے کسی قربانی سے دریغ نہیں کرینگے ،  حافظ شاہد حسین نے کہا کہ پاکستان سنی تحریک عوامی و سنی حقوق کے حصول کے لیے کوشاں ہے اور ہماری جدوجہد ضروررنگ لائے گی اور ملک سے بدامنی، افراتفری وفتنہ پروری کامکمل خاتمہ ہوگا، ایک سوال کےجواب میں انھوں نے کہاکہ پی ڈی ایم اب تک تو چوں چوں کامربہ ثابت ہوئی ہے ۔