قومی کرکٹ ٹیم کے سابق کپتان شاہد خان آفریدی کا کہنا ہے کہ اے میرے دیس کی سرحدوں کی لاج رکھنے والو! تمہیں وطن کی ہوائیں سلام کہتی ہیں۔ سماجی رابطے کی ویب سائٹ ٹوئٹر پر قومی کرکٹ ٹیم کے سابق کپتان شاہد آفریدی نے یومِ دفاع پاکستان کے حوالے سے اپنے پیغام میں پاک فوج کے بہادر سپوتوں کو خراجِ تحسین پیش کیا ہے۔
انہوں نے اپنے پیغام میں لکھا کہ ’’سنگلاخ چٹانوں اور سر سبز میدانوں کے پار تکتی نگاہیں، تپتے ریگ زاروں اور یخ بستہ برف زاروں میں پہرہ دیتے قدم، تند ہواﺅں اور شہ زور لہروں کا سینہ چیرتے بدن، ان تھک، پر عزم اور بلند ہمت، اے میرے دیس کی سرحدوں کی لاج رکھنے والو! تمہیں وطن کی ہوائیں سلام کہتی ہیں‘‘۔
ملک بھر میں آج یوم دفاع پاکستان قومی اور ملی جوش وجذبے کے ساتھ بھر پور طریقے سے منایا جا رہا ہے۔
یوم دفاع پاکستان کی مناسبت سے علی الصبح وفاقی دارالحکومت اسلام آباد میں 31اور صوبائی دارالحکومتوں میں 21، 21 توپوں کی سلامی دی گئی۔ مساجد میں پاک فوج کے شہدا کیلئے قرآن خوانی اور ملکی استحکام کیلئے دعائیں کی گئیں 6 ستمبر یومِ دفاع کے موقع پر کراچی میں مزار قائد پر گارڈز کی تبدیلی کی تقریب منعقد کی گئی
مزار قائد پر پاکستان ایئر فورس اصغرخان اکیڈمی کے کیڈٹس نے گارڈز کے فرائض سنبھال لیے ہیں فرائض سنبھالنے والے گارڈز میں 3 خواتین سمیت 46 کیڈٹس شامل ہیں۔ ’جی ایچ کیو میں تقریب‘ یوم دفاع پاکستان پر جی ایچ کیو راولپنڈی میں یادگار شہدا پر تقریب ہوئی، آرمی چیف جنرل قمر جاوید باجوہ نے یادگار شہدا پر پھول چڑھائے اور فاتحہ پڑھی وزیراعظم عمران خان نے اپنے پیغام میں کہا کہ 55سال قبل ہماری پاک فوج نے قوم کے شانہ بشانہ مکار دشمن سے لڑ کر دنیا پر ثابت کیا کہ وہ ہر قیمت پر پاک سر زمین کے دفاع کیلئے ہمہ وقت تیار ہیں
6 ستمبر کا دن ہماری بہادرمسلح افواج کی جرات اورایثارو قربانی کے بے مثال جذبے کی علامت کے طور پر جانا جاتا ہے۔
پاکستان امن کا علمبردار ہے لیکن دشمن اسے ہماری کمزوری نہ سمجھے
الحمدللہ پاکستان کی فوج اور عوام اب بھی اسلام اور پاکستان کا دفاع کرنے کے لیے ہر وقت تیار ہیں
Post a Comment