*رپورٹ : ملک طارق*
لاہور : قطری دارالحکومت دوحہ سے بنگلادیش کے دارالحکومت ڈھاکا جانے والی قطرایئرلائن کی پرواز کو لاہور ایئرپورٹ پر ہنگامی لینڈنگ کرنا پڑگئی۔
دوحہ سے ڈھاکا جانے والی قطری پرواز ’کیو آر 3248‘ کو میڈیکل ایمرجنسی کے لیے علامہ اقبال انٹرنیشنل ایئرپورٹ پر اتارا گیا،
طیارے میں سوار 6 بنگلادیشی مسافروں کی طبیعت خراب ہونے پر جہاز کو ہنگامی لینڈنگ کرنا پڑی، بنگلادیشی مسافر امین الحق کو دل کی تکلیف کے باعث اسپتال منتقل کردیا گیا۔
ایئرپورٹ ذرائع کا کہنا ہے کہ دیگر پانچ مسافروں کو ایئرپورٹ پر ہی طبی امداد فراہم کی گئی، ایک مسافر امین الحق اور اس کے ساتھی مسافر کو جہاز سے آف لوڈ کردیا گیا۔
Post a Comment