گوگل نے بچوں کو انگریزی سکھانے کے لیے نئی ایپلیکیشن متعارف کر دی

بچوں کے لیے انگریزی سیکھنا اب کوئی مشکل نہیں رہا
گوگل نے ایلیمنٹری  سکول کے طلباء کے لیے ایک نئی ایپلی کیشن ریڈ الانگ (Read Along) متعارف کرائی ہے۔گوگل نے یہ ایپلی کیشن تجرباتی طور پر بھارت میں ”بولو“ کے نام سے پیش کی تھی۔ اس ایپلی کیشن کا مقصد بچوں کو اپنی زبان کے ذریعے انگریزی زبان سکھانا ہے۔ پہلے تو یہ ایپلی کیشن صرف ہندی اور انگریزی زبان میں تھی لیکن اب یہ کئی زبانوں میں پیش کی گئی ہے۔
گوگل کا کہنا ہے کہ  جلد ہی اس میں اور زبانیں شامل کردی جائیں گی ۔ اس وقت بچے  9 زبانوں، جن میں انگریزی، ہسپانوی، پرتگالی، ہندی اور اردو شامل ہیں، کے ذریعے انگریزی آسانی سے سیکھ سکتے ہیں۔