اسٹیٹ بینک آف پاکستان نے کاروباری افراد اور تنخواہ دار طبقے کو بہت بڑی خوشخبری سنادی

اسٹیٹ بینک نے کورونا وائرس سے متاثر کاروبار کرنے والے مالکان کو مزید سہولت دینے کا فیصلہ کرتے ہوئے تنخواہوں کی ادائیگی کے لیے قرض دینے کا فیصلہ کر لیا ہے۔اس حوالے سے اسٹیٹ بینک نے کہا ہے کہ کورونا وائرس سے متاثر کاروبار کو تنخواہ کی ادائیگی میں مزید سہولت فراہم کر دی گئی ہے۔کاروباری افراد جنہوں نے ملازمین کو تنخواہ خود ادا کر دی ہے ان کو بھی قرضہ فراہم کیا جائے گا۔
اسٹیٹ بینک آف پاکستان نے 10 اپریل کو ری فننانس اسکیم کا اعلان کیا تھا۔اس سکیم کے مطابق کاروباری افراد قرضہ لے سکتے ہیں تاکہ اپنے ملازمین کو تنخواہوں کی ادائیگی کر سکیں۔اسٹیٹ بینک کے مطابق وہ افراد جنہوں نے اپریل میں قرضے کی درخواستیں دی تھیں لیکن وہ منظور نہیں ہوئی یا وہ انتظار میں ہیں اب وہ کاروباری افراد مئی میں کلیم داخل کر سکتے ہیں
جب کہ وہ افراد جنہوں نے مئی 2020 کی تنخواہ ادا کردی ہے لیکن ان کے قرضے منظور نہیں ہوئے انہیں بھی یہ قرض ملے گا