بابری مسجد کی زمین پر ظلم و زیادتی کے ذریعے بُتخانے کی بنیاد رکھے جانے پر ....
اہلِ ایمان کی درد بھری صدا اور رب سے فریاد
💔💔
درد اتنا ہے کہ لفظوں میں نہیں آ سکتا
اِس قدر غم ہے کہ اشکوں میں نہیں آ سکتا
چشمِ غیرت سے ٹپکتی ہیں لہو کی بوندیں
سوز ایسا ہے کہ چیخوں میں نہیں آسکتا
لٹ گیے گنبد و مینار ہمارے رہتے
یہ اَلَم ، سِسکیوں آہوں میں نہیں آ سکتا
چھین لی ظلم نے مسجد کی زمیں بھی آخر
چین اب درد کے ماروں میں نہیں آ سکتا
لاکھ ہو اشک فشاں چشمِ فریدی لیکن
غم کا سیلاب یہ آنکھوں میں نہیں آ سکتا
=========
اہل ایماں سے یہ منظر نہیں دیکھے جاتے
بتکدہ اور یہ آزَر نہیں دیکھے جاتے
اے خدا توڑ دے باطل کا تکبر سارا
آہ یہ کفر کے تیور نہیں دیکھے جاتے
========
خون سے کرتے وضو، تیرے نمازی آئیں گے
تیری خاطر وہ لگاتے جاں کی بازی آئیں گے
عظمتِ رَفتہ تری ، ہوکر رہے گی بازیاب
بابری مسجد ! ترے در ، حق کے غازی آئیں گے
=========
ابرھہ کے لشکر کو اے مٹانے والے رب
عِزّ و شانِ کعبہ کو اے بچانے والے رب
ہند کی زمیں پر بھی ، پھر سے وہ سَماں کردے
ظلم کے سبھی لشکر ، پھر سے بے نشاں کردے
وقت کے اندھیروں کو، ہو عطا سحر یارب
کردے اپنی قدرت سے ، زیر کو زَبَر یارب
Post a Comment